Friday 14th May 2021

भारतमा बुधबार विश्वकै नयाँ रेकर्ड : एकै दिन तीन लाख १५ हजार नयाँ संक्रमित


भारतमा बुधबार २४ घन्टामा तीन लाख १५ हजार चार सय ७८ नयाँ संक्रमित भेटिएका छन् । कोरोना भाइरसबाट एकै दिन यति धेरै संक्रमण पुष्टि भएको यो विश्वकै पहिलो रेकर्ड हो । यसअघि सबैभन्दा बढी गत जनवरी ८ मा अमेरिकामा तीन लाख सात हजार मानिस संक्रमित भएका थिए ।

२४ घन्टामै कोरोनाकै कारण भारतमा दुई हजार एक सय एकजनाको मृत्यु भएको छ । लगातार दुई दिन दुई हजारभन्दा बढीले कोरोनाका कारण ज्यान गुमाए । भारतमा अहिले २२ लाख ८४ हजार संक्रमितको उपचार भइरहेको छ । बुधबार एक लाख ७९ हजार संक्रमित निको भएका छन् ।

मंगलबार दुई लाख ९४ हजार नयाँ संक्रमित भेटिएका थिए भने दुई हजार २१ जनाको मृत्यु भएको थियो । भारतमा संक्रमणबाट अहिलेसम्म एक लाख ८४ हजार सात सय ७२ को मृत्यु भएको छ । बुधबार नै महाराष्ट्रको एक सरकारी अस्पतालमा अक्सिजन ट्यांंक चुहिँदा २४ कोरोना संक्रमितको मृत्यु भएको थियो । अक्सिजन ट्यांक मर्मत गर्दा अक्सिजनको आपूर्ति ३० मिनेट रोकिँदा उपचाररत संक्रमितको मृत्यु भएको थियो ।

-नयाँपत्रिका दैनिकबाट


Loading...
सम्बन्धित शीर्षकहरु

हरी कृष्ण न्यौपाने- स्याङजा घर भई लामो समय देखी पोखरामा बसोबास गरिरहेका र कुवेतमा रोजगारीका क्रममा रहेका टेकन गुरुङ ३…

तीतोपाटी - विश्वव्यापी कोरोना महामारीको दोश्रो लहर फैलिए यता नेपालमा कोरोना संक्रमित हुने र ज्यान गुमाउनेको संख्या बढ्दो छ ।…

रसै रुद्रैश्छिन्ना, यमनसभलाग: शिखरिणी ।🌷🙏🌺 म खाऊँ मैँ लाऊँ सुखसयल वा मोज म गरूँ म बाँचूँ मैँ नाचूँ अरु सब…

प्रतिकृयाहरू