नयाँ वर्ष! दुःखीहरुको आस बोकेर झुल्क
देश भरी! खुशीयाली खास बोकेर झुल्क।
असह्य वेदना! आपतकालिन स्थिती भो
सशक्त विचारहरुको दास बोकेर झुल्क।
तिमी जुम्ला डोल्पा मुगु जहाँसुकै पुग्नु है
भोका झुपडीहरुमा गाँस बोकेर झुल्क।
जाऊ सिटामोल समेत नपुग्ने विकटमा
तिनका पीडाहरुमा सास बोकेर झुल्क।
पानी बिनाको खडेरी खेत बाँझै धेरै छन्
नहर कुलो बन्दै अन्नको रास बोकेर झुल्क।
भोकमरीले बल्दैनन् कतिपय चु्ल्हाहरु
सहयोगी हातहरुको बास बनेर झुल्क।
महामारीले विश्व नै त्राही त्राही संकटमा
उपाय निकाली अब नास बोकेर झुल्क।
शर्मिला श्रेष्ठ ,ललितपुर
हाल परदेश
