दूध्को साक्षी बिरालो भै, सामुन्नेमा पर्नेलाई ।
के भन्नू खै सोझा माथि, अत्याचार गर्नेलाई ।
सबैभन्दा ठुलो, बाठो, अजम्बरी बन्न खोज्दै,
झुटै झुट्को खेती गरि, बेकार भ्रम छर्नेलाई।
बल उमेर धन हुँदा,नाता साइनो जोड्ने ले नै,
दुख पर्दा चिन्दिन म, भन्दै पर सर्नेलाई ।
स्वार्थ लोभ् पाप् ईर्श्याको, दलदलमा फसी यहाँ ,
कुकर्मको खेल खेली, अल्पायु मै मर्नेलाई ।
बिहान र बेलुका ती, छाक टार्न धौ धौ भाका,
मानिसको गाँस लूटी, आफ्नो पेट भर्नेलाई।
***********************
प्रतिमा शिवाकोटी
कालिन्चोक गा पा ८ सुनखानी दोलखा
बागमती प्रदेश ।