कोपिला १
फूलमा जीवनको सार हुन्छ
बाटोको काँडा पन्छ्याएर हेर
रेटिएको मुटुमा भार हुन्छ।
कोपिला २
निर्मल गङ्गा बनेर हेर
फोकासरि जीवन बुझ्ने चाह भए
उडेको चङ्गा बनेर हेर
कोपिला ३
पीडामा रमाउन सिक
काँडाको बीचमा पनि मुस्कुराउँछ फूल
प्रसिद्धि कमाउन सिक
कोपिला ४
टुप्पोदेखि जाने ठाउँ हुदैन
अहमताको शुली चढेर के गर्छाै?
दम्भी सागरमा नाउँ हुँदैन
कोपिला ५
कल्पनामा डुकुल्की मार्दै तैरिँदै छु
सुनामी छालले छल्काएको डुङ्गा रहेछ जीवन
चाहरूपी बहना सार्दै तैरिँदै छु
मीरा ज्ञवाली
बुटवल रुपन्देही, लुम्बिनी प्रदेश ।
