निष्ठुरीले छोड्यो जिन्दगीमा आँधी हुरी राखेर ।
फेरी पनि म बाँची रहेको छु कायम दूरी राखेर ।
मलाई कमजोर सम्झिने त्यो मित्र राष्ट्रले भुल्यो
युद्ध जितेकै हौ बन्दुकको अगाडि खुकुरी राखेर ।
गलत इल्जाम नलगाउ प्रिया छोडेर गयौ ठिकै छ
म चाहान्न तिमीसँग बोल्न कोटमा उजुरी राखेर ।
एउटा नारीको इज्जत लुटेर हिँजो राति भर्खरै
बलात्कारी के साबित गर्दै छ साना भुराभुरी राखेर ।
मेरो देशको स्वाभिमान माथि अब खेल्नेहरुलाई
यस्तो लाग्छ स्वागत गरुँ अगाडि धारिलो छुरी राखेर ।
सुरेश पाण्डेय
सुर्खेत विरेन्द्रनगर
