गजल
तिमी माग्छौ खुशीको अनुहार मेरा आँसुका रातहरू छन् ।
कसरी खुशी हुन् सक्छु भित्र बसिरहेका अझै घातहरु छन् ।।
भन्न त दुनियाँले भन्छ यहाँ चोट नपाएको हुँदैन जिन्दगी
तर अघि बढ्न नदिने बिना गल्तीका छातीमा लातहरु छन् ।
को मित्र हुन् को दुश्मन कसरी सजिलै चिन्नुहुन्छ हजुरले
नाम नखुलेका अगाडि सम्बन्ध गाँस्न आउँने जातहरू छन् ।
हार खाएर पुग्न नखोजेको कहाँ होर म पनि यो सफलतामा
के गर्नु पुग्न नपाउँदै पछाडिबाट बन्दुक उठाउने हातहरू छन् ।
जमाना यो यतिसम्म बद्लिएछ बिचार गर्दैछु म आजभोली
जस्तो आँधी हुरी भित्र पनि हल्लिँदै नहल्लिने पातहरू छन् ।
सुरेश पाण्डेय
सुर्खेत विरेन्द्रनगर
