Sunday 7th March 2021

करिश्माको निर्माणमा ‘बनबास’ गर्दै कविता


नायिका करिश्मा मानन्धरकी छोरी कविता मानन्धरले चलचित्र ‘एउटा यस्तो प्रेम कहानी’मा काम गरिन् । तर, यो चलचित्रको रिलिज सही तरिकाले नहुँदा चलचित्र आएको र गएको नै पत्तो भएन । जसलेगर्दा, कविताको डेब्यू सुखद बनेन । डेब्यू चलचित्र नै सुखद नबनेपछि कविता चलचित्रमा काम गर्ने बिषयमा सकारात्मक थिइनन् ।

तर, अब उनी आफ्नै होम प्रोडक्शनमा बन्न लागेको चलचित्र ‘बनबास’मा काम गर्न तयार भएकी छन् । यो चलचित्रलाई करिश्मा मानन्धरले निर्माण गर्दैछिन् । चलचित्रको निर्देशन भने सुशिल क्षेत्रीले गर्दैछन् । चलचित्रमा कविता र नायक सरोज खनालको मुख्य भूमिका रहनेछ ।चलचित्रको बिषयमा करिश्मा मानन्धरले भनिन्–‘हो, हामी चलचित्र बनाउने तयारीमा छौं । यो ठूलो बजेटको चलचित्र होइन । तर, अहिलेको अवस्थामा सानो बजेटमा उत्कृष्ट कथा भन्न आवश्यक छ भन्ने लागेको छ । चलचित्रको काम वैशाखबाट सुरु हुन्छ ।’

चलचित्रमा काम गर्न कविता कसरी राजी भइन् त, करिश्माले भनिन्–‘एउटा यस्तो प्रेम कहानी’को टिमले चलचित्र विगारेपछि कविता चलचित्रमा काम गर्ने बिषयमा सकारात्मक थिइनन् । तर, मैले उनलाई संझाएकी छु । अब, भने उनी काम गर्न तयार छिन् ।’करिश्माले बनाएको पछिल्लो चलचित्र ‘फागू’ हो, जुन बक्स अफिसमा असफल भएको थियो । कलाकार तथा निर्माता शिव श्रेष्ठले डेब्यू गराउनु भन्दा अगाडि कवितालाई आफ्नै ब्यानरबाट डेब्यू गराउने योजना करिश्माको थियो ।

-अनलाइन खबरबाट

Loading...
सम्बन्धित शीर्षकहरु

तितोपाटी- प्रधानमन्त्री केपी शर्मा ओलीले कोरोना भाइरस (कोभिड-१९) विरुद्धको खोप लगाएका छन् । आइतबार त्रिवि शिक्षण अस्पताल पुगेर प्रधानमन्त्री ओलीले…

तितोपाटी- कोभ्याक्सअन्तर्गतको ३ लाख ४८ हजार डोज खोप आज नेपाल आइपुग्ने भएको छ । आज बिहान सवा ११ बजे कोभ्याक्स…

राष्ट्रिय गौरवको मेलम्ची खानेपानी आयोजनाको सुरुङबाट शनिबार पानी सुन्दरीजलमा खलालिएको छ। परीक्षणका लागि सुरुङमा पठाइएको पानी शनिबार साँझ सुन्दरीजलमा आइपुगेको…

प्रतिकृयाहरू