तीतोपाटी – अंग्रेजी नयाँ वर्ष २०२१ को अवसरमा आयोजना गरिएको अल मुजाइनी कप खुला पुरूष भलिबल प्रतियोगिताको उपाधि आयोजक कल्याणकारी नेपलाी युवा समाज कुवेतले जितेको छ । कुबेतको माहबुल्ला स्थित खेल मैदानमा आयोजित खुला पुरुष भलिबल खेलको फाइनलमा एम. के.एस. भलिबल टिम उपविजेता बनेको थियो ।
१३ वटा भलिबल टिमहरुले सहभागीता जनाएको उक्त भलिबल प्रतियोगिता गत हप्ता १ जनवरीबाट शुरू भएको थियो भने आफ्ना निकट्तम प्रतिश्पर्धी टिमहरुलाई पराजित गर्दै आयोजक कल्याणकारी नेपाली यूवा समाज कुवेत टिम र M.K.S, टिम फाईनल प्रवेश गरेका थिए। प्रतियोगितामा सालमियाँर नेपाल टिम ले तेस्रो स्थान हासिल गरेको थियो ।
आयोजकले विजेता र उपविजेता दुबै टिमलाई नगद, मेडल, ट्रफी र पुरस्कार प्रदान गरेको थियो भने साथै प्रतियोगिताका उत्कृष्ट खेलाडी तथा रेफ़्रीहरुलाई पनि मायाको चिनो र मेडल सहित सम्मान गरेका थिए। अल मुजाइनी एक्सचेंजको प्रायोजन रहेको उक्त खुला भलिबल प्रतियोगितामा निःशुल्क भाग्य चिठ्ठाको ब्यस्ठा पनि गरेको थियो।
