Tuesday 26th August 2025

गीत -धर्मिला कार्की


चर्किन्छ छाती, धड्किन्छ मुटु
तिम्रो नै यादमा ।
विछोडको पिडा आँशुले भिज्छ
सिरानी रातमा ।।

परदेशियौ प्यारा खुशीलाई छोडी
रहर किन्नलाई ।
गार्हो छ एक्लै ज्युँन हजुर
यहाँ मान्छे चिन्नलाई ।।

झझल्को मिठो सधै नै तिम्रो
हँसिलो मुहारको ।
दिलमा फोटो खिचेको छु
त्यो तिम्रो अनुहारको ।।

डर लाग्छ कहिले सुकेर जाला
फक्रेको जवानी ।
सम्हाल्छु मन सम्झिदै
पछिको जिन्दगानी ।।

सात जुनिसम्म समाउला हात
दिएर साथ ।
चाहना सधैं, नफैलियोस कहिल्यै
नमिठो बात ।।

सजाएका ती रङ्गिन सपना
हल्लाउँछ हुरीले।
माया छ प्रगाढ, पिर नलेउ प्यारा
भौतिक दुरीले ।।

-धर्मिला कार्की
महाराजगंज, काठमाडौँ


सम्बन्धित शीर्षकहरु

इजरायली युद्धक विमानहरूले यमनको राजधानी सानामा हुथीहरू विरुद्ध आक्रमण गरे र दुई पावर स्टेशनहरू र इन्धन डिपो बाहेक राष्ट्रपति दरबार…

वासिङ्टन: राष्ट्रपति डोनाल्ड ट्रम्पले नजिकको राजनीतिक सहयोगी सर्जियो गोरलाई भारतका लागि अमेरिकी राजदूतको रूपमा नियुक्त गरेका छन्। नयाँ दिल्लीसँगको सम्बन्धमा…

कुवैत शहर, अगस्ट २३ आन्तरिक मन्त्रालय अन्तर्गतको लागूऔषध नियन्त्रण सामान्य विभाग (DCGD) निर्देशक ब्रिगेडियर जनरल मोहम्मद कबाजार्ड र उपनिर्देशक ब्रिगेडियर…

प्रतिकृयाहरू
...