तीतोपाटी – पाकिस्तानको पेशावर सहरस्थित एक धार्मिक विद्यालय (मदरसा)मा बम विस्फोट हुँदा कम्तीमा ७ जनाको मृत्यु भएको छ । मारिनेहरूमा अधिकांश विद्यार्थीहरू रहेको बताइएको छ ।
मंगलबार बिहान साढे ८ बजे धिर कोलनीस्थित मदरसामा गराइएको विस्फोट परी तेह्र वर्षमुनिका चार जनासहित अन्य कैयौँ घाइते भएका छन्। कम्तिमा १२० जना भन्दा बढि घाइते भएको बताइएको छ ।
इस्लाम धर्मावलम्बीहरूको पवित्र धर्म ग्रन्थ कुरानको अध्ययन कक्षामा गरिएको आक्रमणको उद्देश्य स्पष्ट भइसकेको छैन। अहिले सम्म कसैले पनि विष्फोटको जिम्मा नलिए पनि कम्तिमा पनि ५ किलोको विष्फोटक पदार्थ प्रयोग भएको त्यहाँको प्रहरीले जनाएको छ।
घटना पछि ट्वीट गर्दै पाकिस्तानका प्रधानमन्त्री इमरान खानले खानले पीडित परिवारहरु र घाइतेहरुको शीघ्र स्वास्थ्य लाभको कामना गर्दै उक्त बर्बर हमलाका जिम्मेवारहरूलाइ कानूनी कठघरामा ल्याउने प्रतिवद्धता जनाएका छन् ।