Monday 26th October 2020

नयाँ शैलीमा आउँदै ‘मुन्द्रेको कमेडी क्लब’


चर्चित कलाकार जीतु नेपालको रियालटी कमेडी शो ‘मुन्द्रेको कमेडी क्लब’ फेरि संचालनमा आउने भएको छ । कोरोनाको कहरका कारण गत बैशाखबाट बन्द भएको शो असोजको तेस्रोसाताबाट प्रसारमा ल्याउने तयारी भएको छ ।हाँस्य श्रृंखला ‘जिरे खुर्सानी’बाट ‘मुन्द्रे उपनाबाट परिचित  जीतुले ‘मुन्द्रेको कमेडी क्लब’ प्रसारका लागि अहिले छायाँकन तयारी गरिरहेको छन् । ‘शोको शनिबार र आइतबार छायाँकन गर्ने तयारी गरिरहेको छु,’ जीतुले भने, ‘छायाँकन सफल भए तेस्रो साताको सोमबारबाट प्रसारमा आउनेछ ।’ केही नयाँ शैलीमा अवको यो ल्याउने आफ्नो योजना रहेको उनले सुनाए ।हुन त जीतुले आजै सामाजिक संजलामा मार्फत एक स्टाटस पोष्ट गर्दै ‘मुन्द्रेको कमेडी क्लब’ पुनः ल्याउन लागेको समेत लेखेको थिए । जसलाई दर्शकको सकारात्मक प्रतिक्रिया समेत मिलिरहेको छ ।

सरकारको स्वस्थ्य सुरक्षाको नियम पालन गर्दै ‘मुन्द्रेको कमेडी क्लब’ छायाँकन हुने बताएका जीतुले भने, ‘पुरै नयाँ सेटमा, केही नयाँ कलाकारसहित नेपाल सरकारले ? तोकेको मापदण्ड पूरा गरि, सम्पूर्ण स्वास्थ सुरक्षाको नियम पालना गर्दै, सावधानीका साथ हजुरहरुलाई मनोरञ्जन दिन ‘मुन्द्रेको कमेडी क्लब’ छायांकन गर्ने तयारी गर्दैछौँ । अवश्य पनि अबका कार्यक्रम केही फरक लाग्ने छ भन्नेमा विश्वास छ ।’

दर्शकको माया, साथ र हौसला आफूलाई चाहिएको समेत उनले बताएका छन् । जीतुले शोमा के के नयाँ हुने भने अहिले बताउन चाहेनन् । यस शोमा निर्देशक तथा हास्य कलाकार दीपाश्री निरौला अध्यक्ष बनेकी छिन् । शोमा राजाराम पौडेल, राजेन्द्र नेपाली, उमेश राई, काउली बुढीलगायतका कलाकारको प्रस्तुति रहँदै आएको थियो । नेपाल टेलिभिजनबाट प्रसारण हुँदै आएको शो टेलिभिजनको लोकप्रिय कार्यक्रम मध्य एक हो ।टेलिचलचित्र, चलचित्र हुँदै कमेडी शोमा प्रवेश गरेका जीतु पछिल्लो समय भने सानापर्दाको श्रृखलामा कमै देखिने गरेका छन् । फिल्ममा भने जीतु पछिल्लो समय रोहित अधिकारीको निर्माण रहेको ‘छ माया छपक्कै’मा देखिएका थिए ।

-रातोपाटीबाट


Loading...
सम्बन्धित शीर्षकहरु

हिमालकी छोरी बनी जन्मिएकी शैलपुत्री । सबै शक्ति संभावना बोकिकन मनैभरी । आरधना गरेदेखि मनकामना पूर्ण हुने । धनधान्य, आरोज्ञसाथ…

सत्तारूढ नेपाल कम्युनिस्ट पार्टीका कार्यकारी अध्यक्ष पुष्पकमल दाहाल ‘प्रचण्ड’ले पर्सामा पार्टीका कार्यकर्ता हत्या गर्ने जोसुकै भए पनि तुरुन्त कारबाही गर्न…

दुर्गापक्षको मुख्य दिन सोमबार विजयादशमी मान्यजनको हातबाट नवदुर्गाको प्रसादका रुपमा शुभ साइतको प्रतीक रातो टीका एवं समृद्धिको प्रतीक जमरा लगाएर…

प्रतिकृयाहरू