तितोपाटी- कुवेतका राजा सवा अल अहमद अल जावेर अल सवाको निधन भएको छ । ९१ वर्षीय राजा सवा अल अहमद अल जाबेर अल सवाको अमेरिकास्थित अस्पतालमा निधन भएको हो ।
शेख सवालाई आधुनिक कुवेतको विदेश नीतिका जन्मदाता मानिन्छ । उनी सन् १९६३ देखि २००३ सम्म करिब ४० वर्ष कुवेतका विदेशमन्त्री भएका थिए । त्यसपछि उनी प्रधानमन्त्री भए । सन् २००६ मा उनी कुवेतका अमिर (राजा) बनेका थिए ।
सवा अल अहमद अल जबर अल सवाह जीसीबी कुवेतको अमीर र कुवेत सैन्य बलको कमान्डर हो । उनले २९ जनवरी २००६ मा पाँचौं राजाको रुपमा शपथ लिएका थिए । उनी शेख अहमद अल जाबेर अल सवाका चौथो छोरा हुन् ।
कुवेत सरकारले आमिरको निधनपछि ४० दिने शोकको घोषणा गर्दै सरकारी कार्यालयहरू ३ दिनका लागि बन्द रहनेछ र झण्डा आधा झुकाउने निर्णय गरेको छ।
२०१९ अगष्टमा बिरामी परेका उनलाई जुलाई २०२० मा उनलाई एक शल्यक्रियालगत्तै अमेरिकी सैन्य विमानमा राखेर अमेरिका पुर्याइएको थियो । तर, के बिरामी भन्ने खुलाइएको थिएन।
उनी नहुँदा उनका सौतेनी भाइ ८३ वर्षीय युवराज नवाफ अल अहमद अल सबाले सत्ता सम्हालेका थिए । एजेन्सी
