तितोपाटी – देशको संघीय राजधानी काठमाडाैं उपत्यकामा पछिल्लो २४ घण्टामा ६९६ जना कोरोना संक्रमित भेटिएका छन् । यो संख्या एकै दिन संक्रमित भेटिएको अहिले सम्मकै उच्च संख्या हो ।
उपत्यकामा कोरोनाको कारण ज्यान गुमाउने क्रम पनि केहि दिन यता निरन्तर रूपमा भएबाट काठमाडौं उपत्यकामा कोरोनाभाइरस संक्रमित तीव्र गतिमा फैलिन थालेको स्पष्ट देखाएको छ ।
पछिल्लो २४ घण्टामा काठमाडौँमा ६२०, ललितपुरमा ३८ र भक्तपुरमा ३८ जना संक्रमित देखिएका स्वास्थ्य तथा जनसंख्या मन्त्रालयले शुक्रबारको पत्रकार सम्मेलनमा जानकारी दिएको हो ।
उपत्यकामा केहि दिन यता उच्च संख्यामा संक्रमित भेटिने गरेका छन् । हिँजो बिहीबार मात्र पनि उपत्यकामा ५७२ जनामा संक्रमण देखिएको थियो ।
