तितोपाटी – साउदी अरेबियाली अदालतले सन २०१८ को अक्टोबरमा हत्या भएका साउदी पत्रकार जमाल खाशोगीको मुद्दामा अन्तिम फैसला सुनाएको छ जसमा आठजनालाई सात वर्ष देखि २० वर्ष सम्मको जेल सजाय सुनाइएको छ।
पाँच व्यक्तिलाई २० बर्षको जेल सजाय सुनाइएको छ, एक व्यक्तिलाई १० वर्ष कैद र दुई जनालाई सात बर्षे जेल सजाय सुनाइएको छ।
साउदी अरबका प्रसिद्ध पत्रकारमध्ये एक मानिएका वाशिंगटन पोस्टका पत्रकार रहेका जमाल खाशोगीको हत्या उनी आफ्नो अघिल्लो विवाहको सम्बन्धविच्छेद प्रमाणित गरेको कागजात लिन टर्कीको इस्तानबुलस्थित महावाणिज्य दूतावासमा गएको समयमा दूतावास भित्रै भएको थियो ।
