गरिब सुत्दा, बस्दा ओछ्याउने चट्टी नै हो ।
चोट लागेपछि डाक्टरले बाँध्ने पट्टी नै हो ।
मालिक होस् चाहे नोकर काम बनेन भने,
मनलाइ शान्त बनाउने भनेको भट्टी नै हो ।
सम्झिने साथीहरू ढुंगा भए छन् ।
सत्रुलाई पारी तार्ने डुंगा भए छन् ।
करोडौंले माला उनेर लगाउने त्यो,
मखमली फुलको थुंगा भए छन् ।
आँखाले मन पराउने बिभिन्न रंग हो ।
शरीरमा भएको एउटा कान अंग हो ।
अन्धो भयो भन्दैमा किन घृणा गर्छौ,
अबको दिन बिताउने हजुर संग हो ।
सिसा जस्तै मेरो भाग्य चर्किएको छ ।
घाउमा पनि दैबले नुन छर्किएको छ ।
मलाई भेट्न आउँछु भन्दै उसले पनि
झुटो आश देखाई अन्तै तर्किएको छ ।
असल आमाले सधैं बेर्ने साडी हो ।
यहाँको मन्त्री ज्यूले फेर्ने गाडी हो ।
यति बाहेक अरू कामहरू छंदै छैन,
त्यसैले युवाहरू त जाने खाडी हो ।
-मुस्कान ‘मुस्कान’
धनकुट, पाख्रीबास
मो. नं. 9848877361
