तितोपाटी – कोरोनाभाइरसबाट धेरै प्रभावितहरुको मुलुकमा पर्ने भारतमा एकैदिनमा ८६ हजारभन्दा बढी सङ्क्रमित भएका छन् । सरकारी अधिकारीहरुले दिएको जानकारीअनुसार भारतमा पछिल्लो २४ घण्टामा ८६ हजार ४३२ जना कोरोनाभाइरसबाट सङ्क्रमित भएका हुन् ।
योसँगै भारतमा कोरोनाभाइरसबाट सङ्क्रमितहरुको कुल संख्या ४० लाखभन्दा बढी पुगेको अधिकारीहरुको भनाई छ । भारतमा कुल ४० लाख २७ हजार भन्दा बढि मानिस कोरोनाभाइरसबाट सङ्क्रमित भएका छन् ।
त्यसैगरी भारतमा अहिलेसम्म कोरोनाभाइरसबाट मृत्यु भएकाहरुको संख्या ६९ हजार नाघेको छ । भारतमा कोरोनाभाइरसबाट कुल सङ्क्रमित भएकाहरु मध्ये ३१ लाख भन्दा बढि मानिसहरू सङ्क्रमणमुक्त भइसकेका छन् ।
त्यसैगरी अरु आठ लाख ५० हजार भन्दा बढि मानिस अझै पनि सङ्क्रमित अवस्थामै रहेका छन् भने ८ हजार ९ सय भन्दा बढि गम्भिर बिरामी छन् ।
