ठुला-ठुला उद्योगधन्दा, गर्नेलाई कर हुँदैन ।
घुसमा चल्ने नेपाल, सरकारको भर हुँदैन ।।
हामी सबै नेपालीको, घर घरमा यसपाली
पहिलेको जस्तो खुशीको जमघट, दर हुँदैन ।।
तिमी परिश्रम गर, जताततै बिक्न सक्छाै
अनि कसैको दबाबमा, बाँच्ने डर हुँदैन ।।
अब जात, धर्मको घमण्ड गर्न छोडिदेउ
घाटमा पुगेपछि कसैको घर, थर हुँदैन ।।
तिमी यस्तो ब्यक्तिलाई राहत दिएर जाउ
जसको वर्षायाममा, ओत लाग्ने घर हुँदैन ।।
-मुस्कान ‘मुस्कान’
जिल्ला-धनकुटा
नगरपालिका- पाख्रीबास
मो नं.9848877361
