फोटो फिर्ता लौ
ब्यर्थै लाएँ पिरती
भएछ झ्याउ ।
<१>???
लौन बताऊ
दुनियाँमा को सच्चा
म जान्न पाऊँ ।
<२>???
मानेँ पवित्र
कोही नारी चरित्र
लाग्यो विचित्र ।
<३>???
धोका खानाले
कैले काहीँ झुक्कौने
रैछ मायाले ।
<४>???
माया झूठो भो
आजको जमाना त
छक्क पर्नुको ।
<५>???
बुझौँ सबैले
पिरतीमा जिल्लिनु
हुन्न कसैले ।
<६>???
किन यस्तो यो
सँसारमा माया यो
सारै सस्तो भो ।
<७>???
हिस्स परेँ म
माछो माछो भ्यागुतो
जिल्ल परें म
<८> ???
माया टाढा भो
बुझ्न जाने राम्रो छ
नत्र काँढा यो ।
<९>???
ठट्टा गरेको
रैछ मेरो मायामा
लट्टा परेको ।
<१०>???
नोटः जसरी हुन्छ सुसेलीको विकास गर्नु र सबैको प्रिय बनाउनु नै हाम्रो लक्ष्य हो यो सुसेलीमा । संसारमा बालक देखी बुढासम्म, राजादेखि रंक सम्म सबैको लागि प्रिय बस्तु हो माया । हजुरहामी देवताहरु माया जालमा फँसेको देख्छौँ । ॠषीमूनीहरुको तपस्या भंग भएको देख्छौँ । कसैको लागि यो अमृत बन्दछ त कसैको लागि यो बिषालु काँढा बन्दछ । कहिले यसले ठूलो कुराको सृजना गर्दछ त कहिले यो बिषालु साँप बनेर डस्न पनि पछि पर्दैन । यसको सच्चा अर्थ नबुझी सतही रूपमा मायामा डुब्ने तथा कामवासना पूर्तिको लागि मायाको नाटक रच्नेहरु पनि थुप्रै होलान् यो सँसारमा । तर यसको सही अर्थ बुझेर सही सदुपयोग गर्न सकेमा यो सबैको लागि एक सच्चा मित्र बन्नेछ भने नबुझे यो धारिलो खुकुरी बन्नेछ । मलाई पनि यसकै आडमा बसी केही लेख्न मन लाग्यो अन्यथा नलिनुहोला । हाम्रो अन्तिम उद्देश्य भने मायालाई परिभाषित गर्नु नभै सुसेलीलाई सबैको कर्णप्रिय र मायालु बनाउनु नै हो ।
-हरि शर्मा (गलकोटे कवि)
मिशिगन अमेरिका ।
