तितोपाटी – नेपालमा कोरोना संक्रमितको संख्या दैनिक रूपमा घट्दै आएको छ । स्वास्थ्य तथा जनसंख्या मन्त्रालयको मिडिया ब्रिफिङमा बताइए अनुसार पछिल्लो २४ घण्टामा थप १५६ जनामा कोरोना संक्रमण पुष्टि भएको छ भने एकै दिन ५८ जनाले कोरोना जितेर डिश्चार्ज भएका छन् । याे सँगे कोरोना संक्रमण हुनेको कुल संख्या १७६५८ पुगेको छ भने नेपालका सतहत्तरै जिल्लामा कोरोनाभाइरस फैलिसकेको छ भने देशभरका अस्पताल तथा अाइसोलेसन सेन्टरमा मा ५९२३ जना उपचाररत रहेका छन् ।
स्वास्थ्य तथा जनसंख्या मन्त्रालयका प्रवक्ता प्रा. डा. जागेश्वर गाैतमको अनुसार आइतबार अपरान्ह सम्म कुल ११६९५ जना कोरोना संक्रमणबाट निको भएर घर फर्किएका छन् । अहिलेसम्म ४० जनाको कोरोना संक्रमणको कारण मृत्यु भएको छ । हालसम्म देशभरका २७ वटा ल्याबबाट पोलिमरेज चेन रियाक्सन भनिने पीसीआर विधिबाट ३ लाख १५ हजार ५ साय ७० जनाको परीक्षण भएको छ भने हाल क्वारेन्टाइनमा २२ हजार ६ सय ६२ जना रहेका छन् । नेपालका ७७ जिल्ला मध्ये हाल भोजपुर, पाँचथर, धनकुटा, रसुवा, मनाङ, मुस्ताङ, हुम्ला र जुम्ला जिल्लामा एक जना पनि संक्रमित छैनन् ।
त्यसै गरि अब उप्रान्त विदेशबाट हवाइ मार्ग प्रयोग गरि नेपाल आउनेहरू सबैलाइ होल्डिङ सेन्टरमा ५ दिन राखी परिक्षण गरेर मात्रै सम्बन्धित स्थानिय तहमा पठाउने पनि स्वास्थ्य मन्त्रालयको मिडिया ब्रिफिङमा जनाइएको छ।
विश्वव्यापी महामारीको रूपमा संसारभर फैलिरहेको कोरोना भाइरसबाट अहिलेसम्म १ करोड ४४ लाख ५० हजार भन्दा बढि संक्रमित भइ ८६ लाख ३४ हजार भन्दा बढिले स्वास्थ्यलाभ गरिसकेका छन् भने ६ लाख ५ हजार भन्दा बढिको ज्यान गइसकेको छ ।
