तितोपाटी – बलिवुडका प्रख्यात अभिनेता अमिताभ बच्चन कोरोना संक्रमण भएको छ । गएराती उनलाई कोरोना भाइरस संक्रमण भएको पुष्टि भएको हो । अभिनेता अमिताभ बच्चन हाल बम्बईको नानावटी अस्पतलाको आइसोलेसनमा उपचाररत छन् । अस्पतालका अनुसार अमिताभलाई हल्का कोरोनाको लक्षण देखिएको छ । डक्टरहरुको एक समूहले उनलाई निगरानी गरिरहेको छ ।
७७ वर्षीय अमिताभलाई कोरोना पोजेटिभ देखिएपछि उनका सम्पर्कमा आएका अन्यलाई समेत कोरोना परिक्षण गरिएको छ ।
अमिताभले यो खबर सामाजिक सञ्जालमा पोष्ष्ट गरे लगत्तै उनका छोरा अभिषेकले पनि आफूलाई पनि कोरोना पोजेटिभ भएको सामाजिक सञ्जालमा पोष्ट गरेका छन् । उनलाई पनि अस्पताल भर्ना गरिएको छ ।
अमिताभ र अभिषेकलाइ संक्रमण पुष्टि भएपछि घरका अन्य सदस्य अभिनेतृ तथा अमिताभ पत्नी जया, अभिषेक पत्नी तथा अभिनेतृ ऐश्वर्या र उनीहरुकी छोरी आरध्यालाई पनि कोरोना परिक्षण गरिएको थियो भने उनीहरू सबैमा कोरोना संक्रमण नभएको पुष्टि भएको छ ।
