ब्रतको बन्धन – झ्याउरे छन्द
-हरि शर्मा(सुवेदी)
हात्तीलाई बश अंकुशले गर्छ दाम्लाले गोरुको ।
कुकुरलाई बश साङ्लाले गर्छ पिंजडा सुगाको । १ ।
मान्छेको हुन्छ दाम्लो न अंकुश कर्मको बन्धन ।
कर्मको वास्ता नगर्दा खेरि छाडा भो झन्-झन । २ ।
ब्रतको बन्धन हो अनुशासन धर्मले बाँधेको ।
कर्मको साक्षी जनै हो नाम काँधमा राखेको । ३ ।
भोक र तिर्खा मान्छेको पनि पशुको जस्तै हो ।
मैथुन पनि पशुको जस्तै मान्छेले गरेको । ४ ।
चेतना मात्रै देखियो फरक मान्छे र पशुमा ।
चेतना छाडे फरक छैन यी दुबै जन्तुमा । ५ ।
अर्काको भलो गरेमा पुन्य शास्त्रको बचन छ ।
अरुको चित्त दुखाए देखि पाप लाग्छ भन्दछ । ६ ।
काम र क्रोध लोभ र मोह मात्सर्य जति छन् ।
बलिको रुपमा इशले लिन्छन चढाए राम्रो झन् । ७ ।
सँस्कृति हाम्री हजुर्मा परिन आमा हुन नेपाली ।
बिश्वको कुनै कुनामा बसौँ हामी हौँ नेपाली । ८ ।
भाषा र भेष चाड र पर्व सँस्कृति बचाए ।
इज्जत हाम्रो बढेर जाला सबैले चाल पाए । ९ ।
गल्कोट, बाग्लुङ,नेपाल्
हाल: मिसिगन अमेरिका
