सरकार !
मनबाट भाइरसको डर हटाउन के गर्ने ?
केही सिकाईदेउ सरकार !
भोकै छन मजदुरहरु
भोक मेटाईदेउ सरकार !
कृषकहरुको तरकारी बिकेको छैन
बिकाईदेउन सरकार !
हल्ला र त्रास धेरै भयो,
केहि हुन्न भनी आशा त जगाईदेउ सरकार !
सिमा,सिमामा रुदैछन गरिब दुखिया,
केही त बिकल्प निकाल्देउ सरकार !
गरिबको झुपडीमा चुलो बाल्ने
वाताबरण मिलाईदेउ सरकार !
दुई छाक नभएपनि
एकछाक त जुगाड गर्देउ सरकार !
चुनावमा नोट र पार्टीको झन्डा बितरण गर्ने
किन मौन छन ?
राहत बाढ्न साईत कुर्न पर्छ र?
केही त बताउ सरकार !
बिदेश गएका पनि नेपाली नै हुन ,
त्यो त बुझिदेउ सरकार ,
रेमिट्यान्सकै भर नपर सरकार !
घर आउन खोजेकालाई
सुरक्षित तरिकाले ल्याउन पहल गर सरकार !
होला गारो सरकारलाइ पनि, बुझ्छौ हामी
कुन बेला के गर्ने बुझिदेउ सरकार !
पार्टीको भन्दा राष्ट्रियताको झन्डा
फहराउन सरकार !
फहरान सरकार !
विशाल बस्याल
बगनासकाली – ८ बराङ्दी
आमडाडा, पाल्पा, नेपाल
