“बिचरा भित्ताहरु”
-राम भण्डारी
यो भित्ता जस्ले जे लेख्दा पनि हुने
छैन यादमा मन, सञ्जालको होस् वा
बाटाका दायाँ बायाँ ।
गोधुली साँझ,मात्तिएको बेला वा
बत्ती मुनिको छायाँ
भैरवको बाहनलाई पनि
घुमीघुमी लेख्नु पर्ने रे त्यहाँ ।
राम्रा-नराम्रा लेख्दै अनि फेरी मेट्दै
पर्व झैं चल्छन् जहाँ
न कोरिएका, पोतिएका
सफा र शान्त भित्ताहरु छन् कहाँ ।
सुखमा लेखिए दुःखमा पनि पोतिए,
खाली लिईन्छ फाइदा यहाँ
चित्कार देख्छ कस्ले,
सुन्छ र नाथे भित्ताको मायाँ ।
ठोक्दै भाला,किला
बिचरा भित्तालाईबिझाई मनमा काँडा
च्याति धर धर भित्ताहरु
लिई गए झिकेर भरेका भाँडा ।
भित्ता मनको वा बनको केहि बोल्दैन
सहिरहन्छ बिषको कुवा
खाली गर्दछ महसुस
भित्रै जलि जलि देखिन्न कतै धुवाँ ।
