“पैसा”
-राम भण्डारी
यो कस्तो बनायौ कागजै हो चिन्यौं
छ नी यो अचम्मको
“पैसा”नाम हो यसको चर्तिकला देखाउछ अजङ्गको
नभै पनि नहुने, धेरै भए सुख नदिने भाव जन्माउँछ दम्भको ।
जो संग धेरै छ, थोरै हुनेलाई
देख्दैन राम्रो ढंगको
भन्छन् कसैले जे चाह्यो आर्जिन्छन्
गलत अर्थ अचम्मको ।।
उचित प्रयोग नगर्दा यसलाई ख्याल राख्नु ईज्जतको
जोगी, रोगी,भोगी सबलाई चाहिने फेरिन्छ सबै रङ्गको
यसकै लागि बिदेशियौं
थाँती राखि नाता देश संगको ।।।
जाँगर साटियो,पसिना बेचियो यसकै लागि सपना पनि भंग भो
वर्षौ बित्यो परदेशमा बिरानो भयो काख बुवा आमाको
खुसीले हैन यो दुःख बहुत थियो व्यबहार घरसम्मको
संसारकै सबभन्दा बलियो रहेछ यै पैसा भन्ने बस्तु पो
सहजै अनुमान नगरौ यहि पैसालाई गहिराइमा बुझ्ने को?
