“विनाशकारी काेराेना”
-राम भण्डारी
हर प्रहर मानव विनाशकारी पापीको समाचार सुन्नु पर्ने ।
ह्दय बिदारक घटनामा यसका ताण्डव कति हेर्नु पर्ने ।।
करोडौं ढाल्यो, लाखौं खायो, धेरै छन् दोसाँधमा उठ्नुपर्ने ।
जो जहाँ थियो त्यही छन् जगसारा रोकिए कहाँ कहाँ पुग्नु पर्ने ।।
के उच्चारण गरौ यो पापीलाइ दुःखी मनले कोभिड१९ भन्नु पर्ने ।
विनाश जब सम्झिन्छु यसको नाम त हँडीघोप्टे हुनु पर्ने ।।
शरीर भैदिए कोरोनाको दाँतै झर्ने गरि मुखैमुखैमा हान्नुपर्ने ।
अनगिन्तीको प्राण लियो निर्मोहीले पाताकसी लडाउनु पर्ने ।।
आवेग छ हरेक मन मनमा घृणाको द्वेष छ शुलि चढाउनु पर्ने ।
पापी को ज्यादती विरुद्ध अब जनचेतना बढाउनु पर्ने ।।
फेरिएको यसको चर्तिकला सबैलाइ जानकारी गराउनु पर्ने ।
गर्दै हातेमालो निर्मुल पारी बनाइ खरानी डढाउनु पर्ने ।।
आशाका डोरी बाट्न सक्छ भनेपनि ठाउँमा ठाउँमा चुडाउँनु पर्ने ।
असत्तिलाइ जनम-जनम नफर्कने गरी उडाउनु पर्ने ।।
यो विनाशकारी कोरोनालाइ सात्तो पनि नफर्कने गरी उडाउनु पर्ने।।।
