तितोपाटी – कुवेतमा कोरोना भाइरस (कोभिड-१९) बाट पछिल्लो २४ घन्टामा ९ जनाको मृत्युु भएको छ । पछिल्लो २४ घन्टामा ९५५ जनामा कोरोना संक्रमण भएको कुवेत स्वास्थ्य मन्त्रालयले पुष्टि गरेको छ ।
कुवेतमा कोरोना संक्रमितको संख्या १९,५६४ पुगेको छ, भने १३८ जनाले कोरोना संक्रमणका कारण ज्यान गुमाएको स्वास्थ्य मन्त्रालयले जनाएको छ । पछिल्लो २४ घन्टामा ३१० जनाले स्वास्थ्य लाभ गरेका छन ।
पछिल्लो २४ घन्टाको तथ्यांक अनुसार सबै भन्दा बढी ३१९ जना भारतीय नागरिक रहेका छन, भने १३९ जना कुवेती नागरिक, १९६ जना इजिप्सियन र १११ जना बाङ्लादेशका नागरिक सहित अन्य देशका नागरिक समेत रहेको अरब टाइम्स अनलाइनमा जनाइएको छ ।
पछिल्लो २४ घन्टामा कोरोना भाइरस सबैभन्दा बढी फर्वानियामा ३३२ जना संक्रमित छन । हवालीमा १९७ जना, सिटीमा १२६ जना, जहारामा ११२ र अहमादीमा १८८ जनामा कोरोना भाइरस संक्रमणको पुष्टि भएको छ ।
कुवेतको स्वास्थ्य मन्त्रालयले दिइएको जानकारी अनुसार जम्मा १९,५६४ जना कोरोना संक्रमित मध्ये अहिले सम्म ५,५१५ जनाले स्वास्थ्य लाभ गरिसकेका छन । कोरोना भाइरसबाट संक्रमित १३,९११ जना अस्पतालमा उपचाररत छन भने १८० जनाको स्वास्थ्य अवस्था निकै नाजुक रहेको छ ।
