तोयानाथ उपेक्षित, जन्म र मृत्यु प्राणी तथा बनस्पती जगतमा मात्र नभएर ब्रह्माण्डका विशाल पिण्ड र ग्रहहरुमा पनि भईरहन्छ भन्ने कुराको ठोस प्रमाण पहिलो पटक बैज्ञानिकहरुले फेला पारेका छन ।
पृथ्वीबाट ५५० प्रकाश बर्ष टाढा रहेको सौर्यमण्डल भन्दा बाहिरको ब्रह्माण्डमा एबी औरिगाए भन्ने एउटा ताराबाट नयाँ ग्रहको जन्म भएको हो । यो नै अहिले सम्मकै सवै भन्दा कान्छो ग्रह हो भने यसको जन्म भईरहेको अवस्थाको अध्यायन बैज्ञानिकहरुले प्रत्यक्ष अवलोकनद्धारा प्रमाणीत गरेको पहिलो घटना पनि हो । बैज्ञानिकहरुले त्यसताराको अध्यायन आल्मा टेलिस्कोपबाट गत वर्षदेखि गर्दै आएका थिए । अहिले नयाँ ग्रहको उत्पति भएको दृष्य भने चीली स्थित एक बैज्ञानिक प्रयोगशालाबाट भेरी लार्ज टेलिस्कोपको माध्यमबाट नयाँ ग्रहको जन्म हुदै गरेको देखेका हुन ।
होस्ट ताराको मध्यभागमा बन्दै गरेको उक्त नयाँ पिण्ड एक्कासी उछिटिएर २ दशमलब ७८१७ विलियन माईल पर पुगेको उनीहरुको दावी छ । होस्ट ताराको बाहिरी घेरामा उर्लिएरको बाक्लो चिसो ग्याश र धुलोको चाप र दवावले उक्त नयाँ ग्रह पोखरीमा रहेको खाली ढुंगालाई बेजोड हावाको झोक्काले उछिट्याएर पोखरी बाहिर फाले झै फालेको बैज्ञानिकहरुको बर्णन जोर्नल एस्ट्रोनमी र फिजिक्समा बताएको कुरा सीएनएनले प्रकाशन गरेको छ । डाक्टर बोकालेटी र उनको टीमले त्यसको तस्बीर खिचेका हुन उक्त जर्नलमा भनिएको छ । बैज्ञानिकहरुले उक्त नयाँ कान्छो ग्रहको पुरा जानकारी सन २०२५ सम्ममा पत्ता लगाई सक्ने दावी गरेका छन।
