तितोपाटी- पूर्वसचिव अर्जुन कार्कीकी श्रीमती मुना कार्कीको हत्या भएको छ । सानेपास्थित उनको घरमा रहेका कामदार विजय चौधरी पनि झुन्डिएको अवस्थामा मृत भेटिएका छन् ।
पशुपति दर्शन गरेर १२ बजे घर पुगेका पूर्वसचिव कार्कीले बेस्सरी चिच्याएपछि स्थानीयवासी घर पुग्दा यो विभत्स घटना सार्वजनिक भएको हो । कार्कीपत्नी मुना जीवितै रहेको देखेपछि तत्कालै स्टार अस्पताल लगिएकोमा उपचारका क्रममा उनको मृत्यु भएको हो । ललितपुर उपमहानगरपालिका २, सानेपास्थित घरको भान्छा कोठामा कार्की पत्नीलाई गम्भीर अवस्थामा भेटिएको थियो । उनको टाउकोमा गहिरो चोट लागेको थियो ।
हातमा नीलडाम देखिएको थियो ।दाङ स्थायी घर भएका कामदार चौधरीलाई डाइनिङ रुममा झुण्डिएको अवस्थामा मृत भेटिएको थियो ।प्रहरीले थप अनुसन्धान भइरहेको बताएको छ ।
