तितोपाटी- अन्तरास्ट्रिय नेपाली साहित्य समाज कुबेत च्याप्टरले आउदो फेब्रुअरी महिनाको १४ तारिख शुक्रबार कुबेत मै पहिलो पटक “काब्य प्रवाह शृङ्खला” गर्ने भएको छ । च्याप्टरले बेला बेलामा बिभिन्न प्रकारका कार्यक्रम आयोजना गरि साहित्यिक खुराक कुबेतबासी नेपालीहरु माझ पस्किदै आएको छ । यसै मेसोमा “काब्य प्रवाह शृङ्खला” पस्किएर कुबेतमा कार्यरत नेपालीहरुलाई साहित्यिक स्वाद चखाउन लागेको प्रसाद तिम्सेनाले तितोपाटीलाई जानकारी गराएका छन ।
“काब्य प्रवाह शृङ्खला” को भाग १ फेब्रुअरी १४ बाट शुरु गर्न लागिएकोछ । यस लाई नियमित गर्दै १०० औ भाग सम्म पुर्याउने कुबेत च्याप्टरले लक्ष्य लिएको तिम्सेनाले बताए । पहिलो पटक आयोजना गर्न लागिएको “काब्य प्रवाह शृङ्खला” मा कुबेत कै नेपाली समाजमा आफ्ना गजल बाचनबाट तारिफ पाईरहेका गजलकारहरु अम्बर खड्का, प्रेम कटुवाल, हिमाल अन्जान र कुमारी चेमजोङ्गले आफ्ना गजल बाचन गर्नेछन ।
उक्त “काब्य प्रवाह शृङ्खला” मा उपस्थितिको लागि सम्पूर्ण साहित्यिक मनहरु, साहित्यकार, समाज सेवी बुदीजीबी पत्रकार लगायत सबैलाई आयोजक अन्तरास्ट्रिय नेपाली साहित्य समाज कुबेत च्याप्टरले अनुरोध समेत अनुरोध गरेको छ ।
कार्यक्रमको विवरणः
मिति:-२०२० फेब्रुअरी १४ तारिख शुक्रबार
समय: दिनको ठिक २ बजे
कार्यक्रम हुने स्थान:-द नेपा:फुडल्याण्ड फ्याम्ली रेस्टुरेन्ट, जिलिब
आयोजक: अन्तरास्ट्रिय नेपाली साहित्य समाज कुबेत च्याप्टर
