तितोपाटी – चर्चित गायक रामकृष्ण ढकाल र उनकी श्रीमतीबीच सम्बन्धविच्छेद भएको जिल्ला अदालत काठमाडौंका श्रेस्तेदार आनन्दप्रसाद श्रेष्ठले बताए ।बुधबार जिल्ला अदालत काठमाडौंमा गायक ढकाल र श्रीमती निलम शाह ढकालबीच सम्बन्धविच्छेद भएको हो । रामकृष्ण ढकाल र शाहबीच प्रेम विवाह भएको थियो ।
न्यायाधीश विदुर कोइरालाको इजलासले सम्बन्धविच्छेदको मुद्दा टुंग्याएको हो। सम्बन्धविच्छेदका लागि निलम शाहले मंगलबार निवेदन दिएकी थिइन्।उनीहरू बीच सम्बन्धविच्छेद भए पश्चात् छोरी भने आमासँगै बस्ने भएकी छिन् । निलम शाहले श्रीमानबाट कुनै पनि अंश वा सेवा सुविधा नलिने भएकी छिन्।तर, छोरीको लालन-पालनमा भने उनीहरूको बराबरी हक लाग्ने आदेश भएको श्रेष्ठले बताए ।
