तितोपाटी-वि.स. २०७५ साल फागुन २९ गते मलेसियामा रहेका रुपन्देही तिलोत्तमाका टेक बहादुर वि.क. को आँखाले धमिलो देख्यो । उनीले त्यहि ख्याल गरेनन् । साँझ बाथरुम छिर्दा धमिलो देखेका उनी त्यो रात त्यति ख्याल गरेनन ।
विहान सवेरै सिलाई कम्पनीमा काम गर्न जानु पर्ने थियो । विहान उठेर मोबाईल हेर्न खोजे तर उनले मोबाईलमा कति बजेको छ भनेर ठम्याउन सकेनन् । आँखाले धमिलो देख्यो । उनी आत्तिदै साथीलाई गुहारे । साथीले नजिकै रहेको अस्पतालमा पुराए । त्यो दिन ०७५ साल चैत १ गते थियो ।
अस्पतालमा पुगेपछि मात्र थाहा भयो, उनका दुवै आँखाका दृष्टि गुमे । त्यति मात्र हैन उनका दुवै मृगौलाले काम गर्न छाड्यो । यो कुरा साथीले थाहा पाए । “एक दुई दिन त उहाँहरुले मलाई पनि भन्नुभएन, भिडियो कलमा पनि आउनु भएन” टेक बहादुरकी श्रीमती मिश्रा कुमारी दर्जीले भनिन्–“घटना भएको त्यहि २ या ३ दिनमा मात्र मैले सवै कुरा थाहा पाए ।” ३ बर्ष मेलेसियामा सिलाईको काम गरेका उनी पछिल्लो पटक वि.स. ०७२ सालमा सिलाई कम्पनीमै काम गर्न मलेसिया पुगेका थिए ।
४ बर्ष विदेशमा पसिना बगाएर कमाएको पैसाले टेक बहादुरले तिलोत्तमा ११ करौजियामा १० धुर जग्गा किने । त्यहि जग्गामा सानो झुपडी बसालेर सुखका दिन विताउने योजनामा थिए । तर अहिले त्यो घरमा टेक बहादुर विरामी हुँदा समेत बस्न पाएका छैनन् । घर अहिले विक्रिमा छ । कारण उनलाई लागेको रिण तिर्न ।
आँखाको दृष्टि गुमाएको खवर पाएपनि टेक बहादुरकी श्रीमतीलाई मृगौला फेल बारे थाहा थिएन । टेक बहादुर ०७५ साल चैत ८ गते त्रिभुवन विमानस्थल झरे ।साभार बुटवल अनलाईन
थप जानकारीका लागि पुरा भिडियो हेर्नुहोस
