तितोपाटी-बैदेशीक रोजगारका लागि मलेसिया गएर बिगत ५ बषेदेखि सम्पर्क बिहीन भएका छोरालाई घर फर्कीन रुपन्देहीको तिलोत्तको एक परिवारले अपिल गरेका छन् ।
तिलोत्तमा नगरपालिका वडा नं १० कान्छीबजार बस्ने बाबु डिलबहादुर दर्जी र आमा आईति दर्जीले आफ्ना ३३ बर्षीय छोरा किशन बहादुर दर्जीलाई घर फर्किन अपिल गरेका हुन् । बैदेशीक रोजगारका लागि २०४६ सालमा मलेसिया गएका किशन बहादुर बिगत ५ बर्षदेखि सम्पर्क बिहीन भएको उनका बाबु डिल बहादुरले बुटवल अनलाइनलाई बताए ।
मलेसिया गएर काम सुरु गरेको पहिलो कम्पनि ७ महिनामै काम छाडेको जानकारी पाएको पाएको त्यसपछि छोराले कहाँ के काम गरेको छ भन्ने बिषयमा जानकारी नभएको र बिगत ५ बषेदेखि सम्पर्क बिहीन भएको उनले जानकारी दिए ।
पैसा नभएर घर आउन रोकिएको भए आफुले नेपालबाट पैसा पठाईदिन समेत तयार रहेको बाबु डिल बहादुरको भनाई छ । अनलाइनमा समाचार प्रकाशित भए कसैले देखेर छोरा सम्म सन्देश पुग्न सक्ने र छोरो घर फर्किने आशमा आफु बुटवल अनलाइनको सम्पर्कमा आएको डिल बहादुरले बताए । बिदेश गएको ७ महिनामा एक छोराको बाबु बनेका किशनले अहिले सम्म न छोराको अनुहार देख्न पाएका छन् न त १० बर्षे बालकले आफ्नो बाबुको अनुहारनै देख्न पाएका छन् ।
