Tuesday 19th August 2025

कुवेतविरुद्धको खेलमा नेपालको कप्तानी किरण चेम्जोङले गर्ने


तितोपाटी –  विश्वकप तथा एसियन कप फुटबलको दोस्रो चरण अन्तर्गत पहिलो खेलमा नेपालले अर्को साता कुवेतविरुद्ध प्रतिस्पर्धा गर्दैछ । नियमित कप्तान विराज महर्जनले टिममा स्थान बनाउन असफल भएपछि त्यस खेलमा नेपालको कप्तानी गोलरक्षक किरण चेम्जोङले गर्ने भएका छन् ।

अखिल नेपाल फुटबल संघ एन्फामा आयोजित समारोहमा राष्ट्रिय खेलकुद परिषदका सदस्य सचिव रमेश सिलवालले नेपाली टोलीलाई शुभकामनासहित बिदाइ गरेका हुन् ।

२३ सदस्यीय टोली र १२ अफिसियल गरी ३५ जनाको जम्बो टोली आइतबार कुवेत प्रस्थान गर्नेछ । नेपालले कुवेतबिरुद्ध सेप्टेम्बर ५ मा खेल खेल्नेछ ।

कुवेतबाट नेपाल फर्किएकै दिन नेपाली टोली चाइनिज ताइपेइका लागि प्रस्थान गर्नेछ । नेपालले सेप्टेम्बर १० मा चाइनिज ताइपेइविरुद्ध खेल खेल्नेछ ।

विश्वकप तथा एसियन कपको दोस्रो चरणमा नेपाल समूह बी मा परेको छ । नेपालले कुवेत, चाइनिज ताइपेइ, जोर्डन र अस्ट्रेलियासँग होम एण्ड अवेका आधारमा दुई दुई खेल खेल्नेछ । समूहको शीर्ष २ टोली तेस्रो चरणमा स्थान बनाउनेछन् ।

-उज्यालो अनलाइनबाट


सम्बन्धित शीर्षकहरु

तितोपाटी- पाल्पाको तानसेनमा श्री ७ रणउजिरेश्वरी भगवतीको २०६औँ खट् यात्रा निकालिएको छ। श्रीकृष्णाअष्टमीको रातमा जाग्रामसंगै भोलिपल्ट भगवती जात्रा भब्य रुपमा…

तितोपाटी -उपप्रधान एबम अर्थमन्त्री बिष्णु प्रसाद पौडेलले रास्वपा भनेको खहरेको भेल जस्तै हो भनि टिप्पणी गरेका छन। पाल्पाको तानसेनमा नेपाल…

पाकिस्तानको उत्तरी क्षेत्रमा भीषण वर्षाका कारण आएको बाढी पहिरोमा परी मृत्यु हुनेको संख्या तीन सय ३२ पुगेको छ। शुक्रबार खैबर…

प्रतिकृयाहरू
...