तितोपाटी – पाल्पामा मृत्यु भएको भनि घाटमा लगिएकी एक महिला जिउँदै भेटिए पछि पुनः फर्काइएको छ ।समाचारका अनुसार दुषित पानीको कारण झाडापखलाको महामारीमा परि पाल्पाको युनाइटेड मिसन अस्पतालमा उपचार गराइरहेकी रैनादेवी गाउँपालिका – १ सिद्धेश्वरकी ३६ वर्षीया नर्मता ज्ञवालीको मृत्यु भएको भनि घाटमा लगिएकोमा ज्युदै भएपछि अहिले उनलाई पुनः अस्पताल भर्ना गरिएको छ ।
लामो समय उपचार गरेर पनि विरामीको सुधार नभइ अस्पतालले डिस्चार्ज गरिएकी ज्ञवालीलाइ अक्सिजन दिएर राखिएकोमा सोमबार दिउँसो आफन्तको आग्रहमा अस्पतालले डिस्चार्ज दिएको थियो । डिस्चार्ज पछि आफन्तले एम्वुलेन्समा राखेर रिडी घाटमा लगेकोमा अक्सिजन झिकेपछि विरामीको मृत्यु भएको हल्ला भएको र उनको खुट्टा जलमा डुवाएर राखी चिताको तयारी गर्दै गर्दा केही समयपछि उनी चल्न, कराउन थालेपछि तत्कालै त्यँहीबाट स्थानीय स्वास्थ्य चौकी पुर्याइएको थियो ।
ज्ञवालीलाई स्थानीय स्वास्थ्य चौकीले धड्कन र नाडी चलेकाले थप उपचारका लागि अस्पताल लैजान भनेपछि आफ्न्ताले एम्वुलेन्समा राखी लुम्विनी मेडिकल कलेज प्रवास पर्याएका थिए । उनको अहिले लुम्विनी मेडिकल कलेजमा उपचार भइरहेको अस्पताले जनाएको छ ।
-रानीमहलबाट
