तितोपाटी – अछामको साफेबगर नगरपालिका वडा न २ को झकालेमा बस दुर्घटना हुँदा १७ जना घाइते भएका छन् भने ४ जनाको स्थिति गम्भीर रहेको प्रहरीले जनाएको छ । महेन्द्रनगरबाट बाजुराका लागि छुटेको पवनदुत यातायातको ना ७ ख २५६४ नम्बरको बस बुधबार बिहान सडकबाट करिब २० मिटर तल खसेको हो।
दुर्घटनामा १७ जना घाइते भएको छन्। घाइते मध्ये २ को अवस्था गम्भीर रहेको प्रहरीले जनाएको छ। घाइतेहरुको उद्धार गरी उपचारका लागि बयालपाटा अस्पताल लगिएको प्रहरी निरीक्षक मोहन साउदले जानकारी दिए। दुर्घटना बारे थप अनुसन्धान भइरहेको प्रहरीले जनाएको छ।
विपरित दिशाबाट आईरहेको अर्को गाडीलाई बाटो दिँने क्रममा सडक भासिँदा दुर्घटना भएकाे प्रहरीले जनाएको छ ।
