तितोपाटी – आफ्नै छोरीलाई जर्बजस्ती करणी गरेको आरोपमा ललितपुरबाट एक जना पक्राउ परेका छन् । आरोपीले आफूलाई नेपाल सरकारका उपसचिवबाट पाँच वर्षअघि पदमुक्त भएको दाबी गरेकाे प्रहरीले जनाएको छ ।
ललितपुरस्थित धोवीघाटका ४५ वर्षीय पुरूषले श्रीमती नभएकाे माैकामा १८ वर्षीया छोरीलाई जर्बजस्ती करणीको प्रयास गरेको जाहेरीमा उल्लेख छ । कशोरी कक्षा १२ मा अध्ययनतरत छिन् । किशोरीले आफ्नै बुवाले जबरजस्ती करणी प्रयासको आरोपमा जाहेरी दिएपछि प्रहरी परिसर ललितपुरले उनलाई पक्राउ गरेको छ ।
जिल्ला अदालत ललितपुरले उनलाई पाँच दिनको म्याद थप गरी अनुसन्धान अघि बढाउन आदेश दिएको प्रहरी परिसर ललितपुरका प्रवक्ता डिएसपी नारायण प्रसाद चिमोरीयाले बताए । आरोपीविरुद्ध मुलुकी अपराध संहिताको जबजस्ती करणी कसुरअन्तर्गत अनुसन्धान भइरहेको प्रहरीले जनाएको छ ।
