तितोपाटी – कुवेतबाट बाराका हावाहरी पीडितलाइ १ लाख १३ हजार भन्दा बढिको सहयोग प्रदान गरिएको छ । ढिलो गरि तितोपाटी डट कम लाइ प्राप्त जानकारी अनुसार कुवेतमा कार्यरत अाप्रवासी नेपाली श्रमिक संगीता लोप्चनको पहलमा संकलित उक्त रकम बराबरको जिन्सी सामान लोप्चन अावद्ध संस्था वर्क फर नेपाल फाउण्डेसन मार्फत बारा जिल्लाका हावाहुरी पिडितलाई नेपाली रूपैयाँ एक लाख तेह्र हजार एक सय छ ( अक्षेरूपी ११३१०६।३६) बराबर सहयोग प्रदान गरिएको हो ।
हावाहुरीले दर्जनै मानिसहरू हताहत हुने बारा जिल्लामा तहल्का मच्चाए पछि कुवेतबाट संगीता लोप्चनले सामाजिक संजाल मार्फत सहयोगको याचना गरि तथा गत अप्रिल १९ तारिख शुक्रबार कुवेत सरोकार समाजले आयोजना गरेको सांगीतिक कार्यक्रम मार्फत कुवेतमा कार्यरत नेापली दाजुभाइ तथा दिदीबहिनीहरूबाट संकलन गरेकी थिइन । विदेशमा बेचिएका चेलीको उद्धारमा बिशेष भूमिका निभाउदै आएकी संगीताले सामाजिक कार्यमा पनि उतिकै सहयोग गर्दै आएकी छन् । संगीताले सम्पूर्ण सहयोगी मनहरुलाई धन्यवाद दिंदै आगामी दिनमा गरिने सामाजिक कार्यमा समेत हातेमालो र सहयोगको अपेक्षा गरेकी छन् ।
गत चैत १७ गते साँझ एक्कासी आएको हावाहुरीका कारण पर्सा र बारामा २८ जनाले ज्यान गुमाएका थिए भने ६ सयभन्दा बढी घाइते भएका थिए। केहीको अझै पनि उपचार जारी छ। हावाहुरीले झण्डै २५ सय घरमा क्षति पुर्याएको थियो । हावाहुरीबाट बाराको फेटा गाउँपालिका सबैभन्दा बढी प्रभावित बनेको थियो ।
