तितोपाटी- बुटवलको जितगढीमा टिप्परको ठक्करबाट एक जनाको जनाको घटनास्थलमै मृत्यु भएको छ । टिपरको ठक्करबाट बुटवल उपमहानगरपालिका वडा न १२ तामनगर बस्दै आएकी १९ वर्षीय पुस्पा भण्डारीको मृत्यु भएको नयाँगाउ प्रहरी चौकीले बुटवल अनलाईन लाइ जानकारी दिएको छ ।
दुर्घटनापछि आक्रोशित भीडले तामनगरमा सडक अबरुद्द गरेका छन् । सडक बन्द हुँदा सवारी साधनप्रभावित भएका छन् ठक्कर दिने चालकलाई कारवाहीको माग गर्दै स्थानीयवासी सडकमा उत्रिएका हुन् ।
पूर्वबाट पश्मिम जाँदै गरेको लु ४५ प ७२३४ नंम्वरको स्कुटरलाइ सोहि दिशा बाट आएको टिप्परले ठक्कर दिंदा उनको मृत्यु भएको हो । भण्डारी स्कुटरको पछाडी बसेकी थिइन् । स्कुटर चालक उनका बुवा घनश्याम भण्डारी घाइते भएका छन् ।
