तीतोपाटी-सर्लाहीको हरिवन र बरहथवा नगरपालिकाका विभिन्न वडाका विद्यार्थी तथा विपन्न वृद्ध र विधवा महिलाहरुलाई न्यानो लुगा तथा कम्बल वितरण गरिएको छ ।
शरिन ख्युङ्वा तामाङ र मन्जु ग्याबा तामाङको विशेष सहयोगमा शनिबार ग्रोइङ नेपाल फाउन्डेसनको संयोजकत्मा उक्त सामग्रीहरु वितरण गरिएको हो ।
हरिवन नगरपालिकाको वडा नम्बर १० ताइवान बस्ती विकास टोलमा ५५ जना विपन्न वृद्ध र विधवा महिलाहरूलाई कम्बल वितरण कार्यक्रम सरोज रायको अध्यक्षता र उपमेयरको प्रमुख आतिथ्यमा सम्पन्न भएको हो।
वितरण टोली मन्जुश्री तामाङ, दिपक चापागाईँ, अनिशा राई, राधा मतांगी, शशी यादव, राज सिंघानिया आदिको विशेष अतिथ्य तथा स्थानीयवासीको उपस्थितीमा कार्यक्रम
सञ्चालन स्थानीय समाजसेवी वसन्त लामाले गरेका थिए ।
त्यसैगरी बरहथवा नगरपालिका वडा नम्बर १० ब्रहमस्थान, मूर्तिया टोलमा रहेको श्री समुदायिक प्रा.वि. का २५ जना छात्र-छात्राहरूलाई न्यानो उपहार स्वरूप ट्राउजर वितरण गरिएको छ ।
समाजसेवी मन्जुश्री तामाङको अध्यक्षतामा भएको वितरण कार्यक्रममा विद्यालयका प्रध्यानाध्यापक, पूर्वप्रध्यानाध्यापक, स्थानीय समाजसेवी, अभिभावक लगायत न्यानो अभियान टोली उपस्थिती थियो ।
बरहथवा वडा १० सितापुरमा रहेको श्रि महेन्द्र रत्न जगन्नाथ लक्ष्मीनिंया मा.वि. को-९ सुस्त-मनस्थिती रहेका ९ जनालाई ट्राउजर वितरण गरिएको छ । विधालयका प्रध्यानाध्यापक देवीदत्त, स्थानीय समाजसेवी लगायत रोहबरमा राहत सामग्री वितरण गरिएको हो ।
बरहथवा कै वडा १६ टांडी टोलमा रहेको श्री आधारभूत विधालयका ७६ जना छात्र-छात्राहरूलाई न्यानो लूगा (ट्राउजर सेट) वितरण गरिएको छ । त्यस्तै कविलासी नगरपालिकाकाे वडा ३ विरनगरा गाउँका ४० अति विपन्न परिवारका वृद्ध, एकल महिला र अपांगहरूलाई कम्बल वितरण गरिएको छ ।
