तितोपाटी – अफगानिस्ताको राजधानी काबुलमा आत्मघाती बम हमला हुँदा कम्तिमा ५० जनाको मृत्यु भएको छ भने ८३ जना घाइते भएका छन् । इस्लाम धर्मगुरु प्रोफेट मोहम्मदको जन्म जयन्तीको अवसरमा आयोजना गरिएको धार्मिक कार्यक्रम लक्षित आतंककारी आक्रमण भएको हो ।
सो कार्यक्रममा प्रतिष्ठीत धर्मगुरुहरु सहित हजारभन्दा बढी मानिसहरु समावेश थिए । गम्भीर घाइतेको संख्या धेरै रहेकाले मृतकको संख्या बढ्न सक्ने छ बताइएको छ । काबुलमा हालैको महिनामा भएको यो सबैभन्दा ठूलो आक्रमण हो । आक्रमणको जिम्मा अहिलेसम्म कुनै समुहले नलिए पनि तालिवान अथवा आइएस लडाकुले यो आक्रमण गराएको हुनसक्ने आशंका गरिएको छ ।
घटनास्थलमा कम्तीमा एक हजार जना उपस्थित रहेको बुझिएको छ भने घटनाको जिम्मेवारी अहिलेसम्म कसैले लिएको छैन तर अफगानिस्तानमा तालिबान, इस्लामिक स्टेट लगायत आतंकवादी समूहले बेला बेलामा बम विस्फोट गराउँदै आएका छन्।
