तितोपाटी – सिरहामा भारतीय नागरिकद्वारा एक १६ वर्षीया किशोरी बलात्कृत भएकी छिन भने तत्कालै किटानी जाहेरी दिएकोले अपराधी भारतीय नागरिक पक्राउ परेको छ । सिरहाको बडियारपट्टि गाउँपालिका ३ इन्द्रचोक मेलामा भएको सांस्कृतिक कार्यक्रम हेर्न गएकी स्थानीय एक किशोरी बलात्कार गरेको अभियोगमा प्रहरीले एक भारतीय युवकलाई नियन्त्रणमा लिएको हो । गाउँमै भएको मेला हेर्न गएकी १६ वर्षीय किशोरीलाई गत आइतबार राती वलात्कार गरेको अभियोगमा प्रहरीले भारत, विहार, मधुनी, गाम पञ्चायत भरचौरा वार्ड नं. ११ का २६ वर्षीय मुकेश सहनीलाई नियन्त्रणमा लिएको हो ।
अाइतबार राती गाउँमै भएको मेला हेर्न गएकी युवतीमाथि मुकेशले जबरजस्ती करणी गरेको किटानी जाहेरीको आधारमा पक्राउ गरिएको जिल्ला प्रहरी कार्यालय सिरहाका प्रवक्ता डिएसपी माधवराज खरेलले जानकारी दिए ।
प्रहरीले घटनामा संलग्न रहेको आरोपमा सहनीसँगै मेला हेर्न आएका अन्य तीनजना युवालाई नियन्त्रणमा लिएर अनुसन्धान गरेको भएपनि किशोरीले एकजनाले मात्र करणी गरेको किटानी जाहेरी दिएपछि सहनीलाई नियन्त्रणमा लिएर अनुसन्धान गरिरहेको प्रहरीको दाबी छ ।
