बसन्त थापा – नेपाल कुवेत संस्कृतिक मन्च द्धारा आयोजना १७ औ प्रस्तुति हरितालिका तिज बिशेष संस्कृतिक कार्यक्रम २०७५, कुवेत स्थित फर्वनियाको अडोटोरीयन स्कुलमा हिजो १४ सेप्टेम्बर शुक्रबारको दिन भव्य रुपमा सम्पन्न भएको छ ।
नेपाली महिलाहरूको महानपर्व हरितालिका तिजको अवसर पारेर गत शुक्रबार अर्थात सेप्टेम्बर १४ तारिख को दिन रहेको कार्यक्रम सयौं दर्शकको उपस्थितिमा सम्पन्न भएको हो ।
गोबिन्द बरालको अध्यक्षतामा रहेको उक्त कार्यक्रम संचालकमा टीकाराम आचार्य रहेका थिए भने स्वागत मन्तब्यमा डोलराज न्यौपानेले गरेका थिए ।
चेलीबेटीहरुलाई सम्मान स्वरूप दर खुवाई एक आपसमा सद्भावना बढाउन र मनोरंजन दिलाउनको लागी आयोजना गरिएको सो कार्यक्रममा प्रमुख अतिथि नेपाली दूतावास कुवेत बाट उपस्थित राजदुत यज्ञ बहादुर हमालकी धर्म पत्नी रिता हमाल, श्रम सहचारी- ज्ञानेन्द्र शर्मा , अथितीमा, पत्रकार महासंघ कुवेतका अध्यक्ष – हरी कृष्ण न्यौपाने लगायतले पानसमा बत्ती बालेर तिज औपचारिक कार्यक्रमको उद्घाटन गरेका थिए l
अहिले नेपाली चाड पर्वहरूको रौनकता देशमा भन्दा परदेशमा बसोबास गर्ने नेपाली समुदायमा प्रचुरमात्रमा प्रचार प्रसारका साथ मनाउने कार्य भइरहेको छ । अहिले तीजको कार्यक्रम विभिन्न नेपालीहरूको संस्थाद्वारा आयोजित हुनुको साथ साथै व्यक्तिगत रूपमा आ-आफ्ना नजिकका सँगी साथी बोलाई नाच गान गरी मनाउने चलन बढ्दै गइरहेको छ ।
विभिन्न भाकाका गीत तथा तिजका गीतमा रमेका महिलाहरूको झम झम हेर्दा नेपालमै रहेको जस्तो भान हुन्थ्यो । निकै व्यवस्थित हल, तिजौलो सृंगारमा रमेको उक्त कार्यक्रम बेलुका ६ बजे सम्म चलेको थियो । कार्यक्रममा महिला दिदी बहिनी तथा उपस्थित सबैका लागि नेपाल कुवेत संस्कृतिक मन्चले हिन्दु संस्कृति झैँ माइती आएकी चेलीलाई कार्यक्रम प्रवेश तथा दर खाने व्यवस्था निसुल्क गरेको थियो ।
शुभकामना मन्तव्यकै क्रममा कार्यक्रममा प्रमुख अतिथि रहेकी रिता हमालले तीजको महत्त्व बारे प्रकाश पार्दै कुवेतमा १७ औ प्रस्तुती तीज महोत्सव आयोजना गरेर नेपाल कुवेत संस्कृतिक मञ्चले उल्लेखनीय काम गरेकोमा मुक्त कण्ठले प्रशंसा गरेकी थिईन । हमालले तीज एउटा पर्व मात्र नभएर संस्कृति पनि भएकोले यसको जगेर्नामा ध्यान दिनुपर्ने बताएकी छन, भने पत्रकार महासंघका अध्यक्ष हरी कृष्ण न्यौपाने, एन आर एन ए कुवेत की उपाध्याय सुमित्रा पौडेल, सुजन के सी . लगायतले महिलाहरूको महान पर्व हरितालिका तिज बिशेष २०७५ को सम्पुर्ण नेपाली दिदी बहिनी हरुलाई शुभकामना मन्तव्य राखेका थिए ।
कार्यक्रममा करिब ५०० नारी तथा २०० पुरुषहरूको उपस्थिति रहेको जानकारी गराउँदै, यस उपस्थितिले आयोजकलाई सन्तुष्टि मिलेको कार्यक्रम, संस्थाका उपाध्यक्ष डोलराज न्यौपानेले तितोपाटी लाई जानकारी दिएका छन ।
कार्यक्रम सुरु भए लगत्तै तीजका गीतहरू र नाचहरूका वर्षा । दुई वा दुई भन्दा बढीको सामूहिक गीत र नाच होस वा पुरै हल जुरुक्क उठेर नाच्दा नेपालको तीज र वातावरण झलझल याद आउँथ्यो । नेपाली लोक संस्कृति कुवेतमा पनि छाएको महसुस हुन्थ्यो ।
औपचारिक कार्यक्रमको समाप्त पछि महिला बेलुका सम्म सामुहिक नाचगान गर्दै रमाइलो गरेका थिए l
अध्यक्ष बरालले निमन्त्रणा लाई स्वीकार गर्दै पाल्नु भई कार्यक्रमको शोभा बढाई दिनु हुने सम्पुर्ण चेलीबेटि हरुलाई धन्यवाद व्यक्त गर्दै उक्त कार्यक्रममा दिदिबहिनी- चेलीबेटीहरुलाई दर खुवाउन सहयोग पुर्याउनु हुने सम्पुर्ण उपस्थित दाजुभाइ हरुमा पनि शुभकामना प्रदान गरि हृदय देखि नै आभार प्रकट गर्दै कार्यक्रमको समापन गरिएको थियो
