तितोपाटी- हिन्दु नारीहरूको महान पर्व हरितालीका तिजको अबसर पारेर नेपाली सांगीतिक बजारमा दिनहुं दर्जन भन्दा धेरै तिज गीतहरू आउने क्रम जारी छ र यही क्रममा कमला अधिकारीको सुमधुर आवाज रहेको तिज गीत “मुसुक्कै हाँसी देउ मायाले” भर्खर मात्र सार्बजनिक भएको छ।
बिगत लामो समय देखि गीत संगीतलाई नजिक बाट नियाल्दै र माया गर्दै आईरहेकी मिठो स्वरकी गायिका कमला अधिकारीको शब्द तथा लय सिर्जना,कमला अधिकारी र बिष्णु खतिवडाको सुमधुर आवाज रहेको उत्कृष्ट तिजी कोसेली सार्बजनिक भएको हो।
उत्कृष्ट नृत्य र अभिनय गर्न सक्ने क्ष्यमता भएकी राम्रो सम्भाबना बोकेकी मोडल सुमन रूचाल र ध्रुब हिमालीको उत्कृष्ट नृत्य रहेको उक्त भिडियोमा रविन शाहको निर्देशन,जयराम थापाको छायांकन रहेको कमला अधिकारीको “मुसुक्कै हाँसीदेउ मायाले” को म्यूजिक भिडियोलाई चेतन सागरले सम्पादन गरेका हुन।
