तितोपाटी – पाल्पाको रिब्दीकोट गाउँपालिका ६ ठिमुरे ढुस्टुङ्मामा शनिवार जीप दुर्घटना हुँदा दुई जनाको मृत्यु भएको छ । दुर्घटनामा तानसेन १० गणशालका २५ वर्षीय विवेक पौडेल र ३६ वर्षीय चालक टंक चलाउनेको मृत्यु भएको जिल्ला प्रहरी कार्यालय पाल्पाका प्रहरी निरिक्षक अमृत भण्डारीले बताए ।
शनिबार दिउँसो देउरालीबाट तानसेन तर्फ जादै गरेको जीप शनिबार साँझ ६ बजे दुर्घटना भएको थियो । दुर्घटना राती भएकोले उद्दारमा समस्या भएपछि आज बिहानैदेखी नेपाली सेना, सशस्त्र प्रहरी र जनपथ प्रहरीले स्थानीयको सहयोगमा शव निकालेका छन् ।
जीप सडक भन्दा झण्डै एक सय मिटर तल खसेको थियो । विद्युत सम्बन्धी कामका लागि तानसेनबाट गएको जिप कच्ची सडक र लगातारको बर्षातका कारण चिप्लो भएकोले दुर्घटना भएको हुन सक्ने प्रहरीले जनाएको छ ।
