तितोपाटी – पानीमा डुबेर पूर्वोत्तर मोरङमा बिहीबार दुई जनाको मृत्यु भएको छ । प्रहरीका अनुसार मृत्यु हुनेहरुमा उर्लाबारी नगरपालिका-१ का १९ वर्षीय दीलकुमार लिम्बू र मिक्लाजुङ गाउँपालिका-९ का ७२ वर्षीय वृद्ध भीमबहादुर माझी छन् ।
लिम्बू साथीहरुसँग गाउँ नजिकैको जमेको पानीमा पौडी खेल्न गएका थिए । पौडी खेल्ने क्रममा डुबेर उनको मृत्यु भएको इलाका प्रहरी कार्यालय उर्लाबारीका प्रहरी निरीक्षक रामप्रसाद तिमल्सिनाले जानकारी दिए ।
मिक्लाजुङ-९ महेश चोकका भीमबहादुर माझीको स्थानीय राम्री खोलामा डुबेर मृत्यु भएको हो । बिहान घरबाट बाहिर निस्किएका माझीलाई दिउँसो डेढ बजेतिर खोला किनारमा मृत अवस्थामा स्थानीयले भेटेपछि प्रहरीलाई खबर गरेका थिए ।
