तितोपाटी – मनाङको नार्पाभूमि गाउँपालिका–४ फू गाउँबाट क्याङ आउँदै गरेका २ जना फू खोलाले बगाउँदा बेपत्ता भएका छन् ।
प्रहरीका अनुसार रोल्पाको थबाङ गाउँपालिका–३ का १९ वर्षीय शीतल पुनमगर र २० वर्षीय रमेश बुढामगरलाई खोलाले बगाएको हो । गाउँमा बाटो निर्माण गरी फर्केका दुईजनामध्ये चिप्लिएर लडेका शीतललाई बचाउने प्रयास गर्दा रमेश पनि खोलामा पुगे पछि दुवै लाई खोलाले बगाएको प्रहरीले जनाएको छ ।
इन्सपेक्टर विनोद श्रेष्ठले घटना मंगलबारको भएपनि बुधबार मात्रै खबर पाएको र सम्भावित स्थानमा खोजीकार्य थालेको बताए । घटनास्थल फू गाउँबाट करीब २ घण्टा र मनाङको चामेबाट करीब २ दिन टाढा पर्छ । बेपत्ताको खोजीका लागि प्रहरी चौकी मेताको सवै टोली खटिएको उनले बताए । मेताको प्रहरी उक्त ठाउँ पुग्न ४ घण्टा लाग्ने प्रहरीले बताएको छ ।
