गुलाम नबि मंसुर – आइतबार देखि सर्लाहीमा परेको अविरल वर्षा संगै खोलामा आएको बाढीले बगाउदा सर्लाहीमा एक बृद्द बेपत्ता भएका छ्न् ।
अबिरल वर्षा का कारण जिल्ला को हरिवन खोलामा आएको बाढीले हरिवन- ९ बिष्णुपुर का ७१बर्षिय बृद्द लाई बगाएर बेपता बनाएको जिल्ला प्रहरी कार्यालय सर्लाहीले जनाएको छ ।
सोमबार पानी परिराखेको अबस्थामा एक्कासी घरबाट निस्केका बिक लाई खोलाले बगाएको स्थानियबासीले बताएका छ्न् ।
खोलाले आफ्नो बुवालाई बगाएर बेपत्ता पारेको भन्दै ईलाका प्रहरी कार्यालयमा बिकका छोरा भिमले निबेदन दिएको र निबेदन अनुसार अहिले बृद्द बिकको खोजीको लागि प्रहरी परिचालन गरि सकेको जिल्ला प्रहरी कार्यालयका प्रमुख प्रहरी उपरीक्षक पोषराजले बताए ।
हिजो देखि परेको अबिरल वर्षाका कारण जिल्लाका लखन्देही, बागमती ,फुलजोर ,हरिवन खोलामा पानीको बहाब बढेको छ भने जिल्लाको अधिकांस दक्षिणी क्षेत्र डुवानमा परेका छ्न् ।
पानी ले जमिन जलमग्न हुदा आबतजावत गर्नमा समेत समस्या भएको किसनपुरका राकेश गुप्ताले बताए ।
यसैवीच जिल्ला दैवी प्रकोप विपत् ब्यवस्थापन समितिका अध्यक्ष एवम् प्रमुख जिल्ला अधिकारी द्रोण पोख्रेलले वर्षा शुरु भए संगै खोलामा पानीको बहाब बढ्ने र बाढी को खतरा समेत बढ्ने हुदाँ नदि तटीय क्षेत्रमा रहेका नागरिकलाई सतर्क रहन आग्रह गरेका छ्न्।
