तितोपाटी – चन्द्रौटाको एक होटलबाट शनिबार राती २२ किलो चरेससहित ३ जना पक्राउ परेका छन् ।
प्रदेश प्रहरी कार्यालयबाट खटिएको टोलीले शनिवार राति ११ बजे होटलबाट उनीहरुलाई पक्राउ गरेको हो ।
पक्राउ पर्नेमा शिवराज नगरपालिका १ बस्ने बर्ष ३९ का राजबहादुर रोका मगर, दाङ तुल्सीपुर उपमहानगरपालिका ६ बस्ने ३७ बर्षीय आशिष खड्का तथा सोही ठाउँ बस्ने ३८ बर्षीय किरण प्रकाश बम रहेका छन ।
नियन्त्रणमा लिएका तिनै जनालाई ईलाका प्रहरी कार्यालय चन्द्रौटाको जिम्मा लगाइएको प्रहरी जनाएको छ ।
खोजतलासका क्रममा २२ किलो तौल रहेको ४४ थान कालोबस्तु र अशिष थापाको नाममा रहेको १ सय ५० सीसीको एक थान मोटरसाईकल समेत बरामद गरिएको प्रहरीले जनाएको छ ।
