तितोपाटी – जापानमा आयोजित ग्लोबल आर्ट मुभमेन्ट (गाम) इन्टरनेसनल आर्ट कम्पिटिसन एन्ड एग्जिबिसनमा तीन नेपाली चित्रकार पुरस्कृत भएका छन् ।
मे १४ देखि २० तारिक सम्म त्यहाँ भएको प्रतियोगितामा चित्रकारहरू कृष्णगोपाल श्रेष्ठ, सरिता डंगोल र सञ्जित महर्जनले गाम अवार्ड पाएका हुन् ।
चाकुपाटस्थित क्लासिक ग्यालरीमा हालै आयोजित कार्यक्रममा जानकारी दिइएअनुसार, उक्त प्रतियोगितामा जापान, नेदरल्यान्ड, भारत, डेनमार्क, टर्की, अमेरिका, फिलिपिन्ससहित पन्ध्र मुलुकका कलाकारहरूको सहभागिता थियो । जम्मा बाह्र सर्जकलाई गाम अवार्ड दिइएको थियो ।
नेपालका तर्फबाट सन्ध्या सिलवाल, सत्यशिला कशाजु, आस्था तुलाधर र नरबहादुर बीके पनि सहभागी थिए।
