तितोपाटी डट कम – पुरुषले सम्बन्ध विच्छेदको उजुरी दिएका घटनाहरु विरलै मात्र सुन्न पाइन्थ्यो । महिलाले सम्बन्ध विच्छेद गर्न चाहेको खण्डमा सिधै अदालत जान पाउने अधिकार छ । पुरुषले स्थानीय तहबाट शिफारिस लिनुपर्ने प्रावधान भएपछि पछिल्लो समय महानगरको न्यायीक समितिमा उजुरी लिएर धाउने गरेका छन् । सम्बन्ध विच्छेद गर्ने मनसायले परेका उजुरी मेलमिलाप गर्न न्यायीक समितिलाई हम्मे पर्छ ।
महानगरपालिकाको कानुन शाखा स्रोतका अनुसार सम्बन्ध विच्छेदका ६३ उजुरी परेका थिए । २७ वटा अदालती प्रक्रियामा गएका छन् । बााकी ३६ वटा कार्यान्वयनको चरणमा छन् । ०७४ देखिका उजुरीहरु समेत यसअघि स्थानीय निकायले हेर्दै आएका थिए । स्थानीय तहमा जनप्रतिनिधि आएपछि न्यायीक समितिले हेर्न थालेको हो । उसले मंसिर १० देखी उजुरी हेर्न थालेको हो ।
सम्बन्ध विच्छेदका लागि आउनेहरु अन्यत्र घर भइ काठमाडौमा बसोबास गर्नेहरु बढि आउाछन् । सुरुमा एकअर्काप्रतिको मायाप्रेममा परेर आनीबानी थाहै नपाइ भएका विवाहित जोडिहरु बढि छन् । मेलमिलापको क्रममा बयान दिने बेला यस्ता कारण खुलाउने जोडीहरु थुप्रै भेटिने गरेको उपमेयर खड्गीले बताइन् । भविश्य खोज्दै काठमाडौ छिरेका बाहिरी जिल्लाका युवायुवतीहरु व्यवहारिक रुपमा परिपक्व नभइ विवाह गरेर सम्बन्ध विच्छेदको अवस्थामा पुग्ने गर्छन् ।
